No skal dette krysset ved Blindheim skole bli tryggare for mjuke trafikantar.
Ålesund kommune
Skape ein trygg skuleveg
Hovudmålet er å forbetre gangfeltet og krysset mellom Øvre Skytterholmen og Tørlevegen. Dette skal gjerast ved å stramme opp krysset, auke belysninga og generelt gjere fotgjengaren meir synleg. Ved å redusere bredda på krysset vil hastigheita på køyretøya bli lågare, og gangfeltet blir kortare. Dette vil gje større sikkerheit til barn og unge som ferdast i området.
Prosjektet vil gi større sikkerheit til spesielt barn og unge som ferdast i området.
Ålesund kommune
Krysninga vil også bli justert slik at den går rett over vegen og ikkje på skrå. Prosjektet vil vere universelt utforma, med ledesteinar og intensivbelysning for å sikre god tilgjengelegheit og tryggheit for alle brukarar.
Området har mange mjuke trafikantar, spesielt barn og unge som går til Blindheim Skole. Derfor er det viktig å gjennomføre desse tiltaka for å skape eit sikkert og tilgjengeleg miljø.
Slik blir arbeidsperioden
Arbeidet ved Blindheim skole startar opp i dag og planlagt byggetid vil bli rundt 7 til 8 veke. Målet er at prosjektet skal stå ferdig før vinteren, seier prosjekt- og byggeleiar Tobias Hay Slinning.
Entreprenør for prosjektet er Lindset Entreprenør og kontraktsverdien er 1,3 millionar kroner inkludert mva. Byggherre for prosjektet er Ålesund kommune.
Dette er eit av mange trygg skuleveg-prosjekt som Bypakke Ålesund jobbar med dei neste åra.
Her er ei oversikt over alle prosjekta i Bypakke Ålesund for trygg skuleveg